Subscríbete!

Se queres recibir a actualidade da UE no teu correo: noticias, convocatorias, procura de socios...

Preme Aquí


Axenda FGE

Aluguer de sala

Transparencia

Convocatorias UE



Síguenos en Twitter Síguenos en Facebook Síguenos en linkedin

27/01/2021

A Xunta impulsa os contactos coa Comisión Europea no ciclo de encontros virtuais da Fundación Galicia Europa

5247F_1611755572_NGGA1.jpg Ver máis...
  • O director xeral de Relacións Exteriores e coa UE, Jesús Gamallo, inaugurou o novo ciclo de encontros virtuais da FGE
  • A Xunta e a Comisión Europea abordan o programa de traballo da Comisión para 2021 e as súas implicacións para o Goberno galego a medio prazo
  • A Fundación Galicia Europa reanuda o seu ciclo de encontros virtuais tras a súa designación como apoio técnico á comisión Next Generation Galicia

Bruxelas, 27 de xaneiro de 2021. A Xunta e a Comisión Europea retomaron hoxe o ciclo de encontros virtuais Next Generation Galicia, organizado pola Fundación Galicia Europa co obxectivo de seguir achegando aos responsables da Administración autonómica todas as novidades da axenda comunitaria e de ofrecer apoio técnico á comisión Next Generation Galicia, posta en marcha polo Goberno galego o pasado outubro.

O director de Relacións Exteriores e coa UE e director da Fundación Galicia Europa, Jesús Gamallo, participou no encontro inaugural, moderado pola directora da oficina da Institución en Bruxelas, Ana Ramos, onde destacou a importancia deste ciclo nun momento como o actual, no que as accións que se están poñendo en marcha a nivel europeo resultan claves de cara a recuperación e a transformación económica de Galicia.

Tras a súa intervención, unha ampla representación da Xunta puido analizar coa galega Sonia Vila, xefa da Unidade do centro de asesoramento presidencial IDEA e coordinadora de políticas no gabinete da presidenta da Comisión Europea, o programa de traballo da institución para 2021 e como este pode afectar á administración autonómica a medio prazo.


Programa de traballo da Comisión Europea

O programa, adoptado pola Comisión o pasado 19 de outubro de 2020, establece as seis prioridades principais do organismo comunitario para 2021: aplicar o Pacto Verde Europeo, configurar a Década Dixital, conseguir unha economía ao servizo das persoas, facer que Europa sexa máis forte no mundo, fomentar unha Europa libre e segura, protexer e reforzar a democracia e defender os valores europeos comúns.


Ciclo de encontros virtuais Xunta-UE da FGE

Primeiro baixo o nome de “Galicia na recuperación económica da UE” e agora baixo o nome “Next Generation Galicia”, o ciclo de encontros virtuais da FGE tratou, desde a súa posta en marcha en setembro de 2020, numerosos temas de relevancia para Galicia, como a transición verde, a Estratexia Industrial para Europa ou a futura política de cohesión 2021-2027. Nestes encontros participaron numerosos responsables políticos técnicos dos diferentes departamentos da Xunta de Galicia e da Comisión Europea. Co cambio de nome, a FGE responde á súa designación como estrutura de apoio técnico á comisión Next Generation Galicia, creada polo Goberno galego para identificar proxectos susceptibles de ser financiados polo instrumento europeo de recuperación NextGenerationUE.

Imaxes relacionadas


Documentos para descarga



Sello AYS Innova entidad adaptada

© Fundación Galicia Europa

Inicio Contacto Mapa Web Política de privacidad Política de Cookies Perfil de contratante