Subscríbete!

Se queres recibir a actualidade da UE no teu correo: noticias, convocatorias, procura de socios...

Preme Aquí


Axenda FGE

Aluguer de sala

Traballo e prácticas na UE

Convocatorias UE



Síguenos en Twitter Síguenos en Facebook Síguenos en linkedin

25/05/2006

FRANCIA PIDE MAIOR RIGOR PARA FUTURAS ADHESIÓNS

O goberno francés está a presionar ós dirixentes europeos para que se endurezan os criterios cara a futuras adhesións e que se teña en conta a capacidade de absorción da UE e a preparación das súas institucións para funcionar trala suposta ampliación. Francia tamén pretende que inflúan na decisión final a suficiencia de Europa para financia-las políticas en curso e a opinión dos cidadáns.

Cabe destacar que, tralo rexeitamento do país galo e máis dos Países Baixos á Constitución Europea, a petición do Presidente Chirac de someter futuras ampliacións a referendo no seu país causou certa controversia xa que diminuirían as posibilidades de adhesión dos actuais países candidatos dos Balcáns Occidentais e de Turquía. Así, segundo o último sondaxe do Eurobarómetro, o 55% dos europeos se opoñen ó acceso do país eurasiático e menos da metade apoiaba unha futura ampliación.

Un portavoz do goberno austríaco, que rexenta neste semestre a Presidencia da UE, afirmou que os debates sobre este tema continúan, nos que algúns estados membros argumentan que o Consello debería esperar polo informe sobre capacidade de absorción do Comisario de Ampliación, Olli Renh, antes de facer recomendacións concretas. Sen embargo, os diplomáticos franceses insisten en que agora é o momento de aborda-lo asunto e de que a Comisión e máis o Consello de ministros comecen a defini-lo concepto.

Esta proposta será discutida polos ministros de asuntos exteriores da Unión nunha reunión informal que terá lugar os próximos días 27 e 28 de maio e onde se tratará o futuro de Europa.


© Fundación Galicia Europa

Inicio Contacto Mapa Web Aviso legal Protección datos Perfil de contratante