Subscríbete!

Se queres recibir a actualidade da UE no teu correo: noticias, convocatorias, procura de socios...

Preme Aquí


Axenda FGE

Aluguer de sala

Traballo e prácticas na UE

Convocatorias UE



Síguenos en Twitter Síguenos en Facebook Síguenos en linkedin

Convocatoria

Convocatoria de proxecto(s) para unha plataforma electrónica sobre mutilación xenital feminina - JUST/2014/RPPI/AG/FGMU

Programa

DEREITOS, IGUALDADE E CIDADANÍA

Obxectivo xeral

Esta convocatoria está dirixida a cofinanciar proxectos transnacionais que teñan como propósito desenvolver unha plataforma electrónica de coñecemento para os profesionais que traballan contra a mutilación xenital feminina (FGM).

Na Estratexia para a igualdade entre mulleres e homes 2010-2015, a Comisión Europea comprometeuse a continuar e intensificar as súas actividades no campo da igualdade de xénero en seis áreas prioritarias, entre estas a dignidade, integridade e fin da violencia de, cunha referencia específica á FGM. Respecto á FGM, o desenvolvido recentemente é:

• Resolución do Parlamento Europeo do 14 de xuño de 2012 para poñer fin á FGM.
• Resolución 2014/2511(RSP) do Parlamento Europeo sobre a Comunicación da Comisión titulada «Cara a eliminación da mutilación xenital feminina».

Establécense medidas internas e externas da UE para un mellor entendemento da práctica, para evitar a FGM, para apoiar ás vítimas, e para protexer ás mulleres en situación de risco, tanto na Unión Europea como nas partes do mundo onde se perpetra este crime.

O Parlamento Europeo pediu á Comisión Europea por en práctica un proxecto piloto co fin de:

• Desenvolver unha plataforma electrónica de coñecemento sobre a FGM, que reunirá información de doado acceso e apoio aos profesionais, ofrecerá apoio ás vítimas do xeito máis más eficaz, axudará a previr a FGM e protexerá ás mulleres e nenas que viven con ou co risco de FGM.
• Contribuír á aplicación da Directiva sobre os dereitos das vítimas de delitos e a Directiva relativa á protección internacional.
• Mellorar o coñecemento da práctica, evitando a estigmatización nos medios de comunicación e axudar á protección das mulleres e nenas que viven con ou co risco de FGM.

Eidos de actuación

A través desta convocatoria ofrecerase apoio económico, preferiblemente a un único proxecto, enfocado a:

• Desenvolver e manter unha plataforma online que inclúa:

o Cursos e-learning sobre diferentes aspectos da FGM.
o Páxinas de información concretas para os países.

• Difusión da plataforma.
• Seguimento e avaliación da plataforma.

Destinatarios

Os solicitantes ou socios deben ser organizacións tanto públicas como privadas ou organizacións internacionais legalmente constituídas. O solicitante debe ser unha organización sen ánimo de lucro. Isto avaliarase en base aos estatutos, en particular, se permiten a posibilidade de distribuír ganancias aos membros/accionistas. Os organismos e organizacións con ánimo de lucro terán acceso á subvenciones só como socios.

Poderán participar na convocatoria as organizacións establecidas legalmente en Estados Membros.

Socios

O proxecto debe ser transnacional; de xeito que estea integrado por socios de mínimo tres países distintos.

Financiamento

A subvención mínima será de 75.000 euros. Non existe límite máximo. Esta subvención basease no principio de cofinanciamento: a subvención non poderá superar o 80% do custe total del proxecto.

Orzamento total da convocatoria

A previsión do orzamento comunitario destinado a esta convocatoria dispoñible é:
900.000 euros.

Duración do proxecto

Duración inicial de 24 meses como máximo.

Data de publicación

01/10/2014

Data límite de solicitude

08/01/2015

Documentación

Contacto

Poderánse enviar preguntas ao seguinte correo electrónico:

EC-REC-CALLS@ec.europa.eu

O prazo para enviar os correos electrónicos recibidos é ata 7 días naturais antes da data límite da convocatoria. Os correos electrónicos enviados despois non serán respondidos.

Comentarios

O procedemento para á presentación das solicitudes será a través de PRIAMOS, un sistema on-line. Os solicitantes terán que rexistrarse e obter o usuario e a contrasinal para acceder ao sistema. A información e guía sobre cómo rexistrarse e presentar a solicitude a través de PRIAMOS atópase no seguinte enlace:

http://ec.europa.eu/justice/grants1/priamos/index_en.htm

A referencia desta convocatoria en PRIAMOS é: JUST/2014/RPPI/AG/FGMU

© Fundación Galicia Europa

Inicio Contacto Mapa Web Aviso legal Protección datos Perfil de contratante