Subscríbete!

Se queres recibir a actualidade da UE no teu correo: noticias, convocatorias, procura de socios...

Preme Aquí


Axenda FGE

Aluguer de sala

Transparencia

Convocatorias UE



Síguenos en Twitter Síguenos en Facebook Síguenos en linkedin

Convocatoria

Mellora da experiencia no eido das relacións laborais

Programa

EaSI

Obxectivo xeral

O obxectivo xeral desta convocatoria é mellorar a experiencia e o coñecemento no eido das relacións industriais a través da análise e a investigación, a nivel da UE así como en termos comparativos (identificando converxencias e diferencias nos sistemas de relacións laborais vixentes nos estados membros da UE e en países candidatos), contribuíndo así a desenvolver e fortalecer a calidade e a efectividade das estruturas e procesos das relacións laborais nos estados membros e en Europa no seu conxunto.

Obxectivo específico da convocatoria

As accións que traten sobre os seguintes temas serán especialmente benvidas:
  • O papel e a contribución das relacións laborais, incluíndo o diálogo social nos diferentes niveis:
    • Respondendo aos principais retos/oportunidades que traen a dixitalización, a globalización, as evolucións demográficas, o cambio climático e a transición tecnolóxica, incluíndo a intelixencia artificial. 
    • Abordando os retos laborais, sociais e económicos identificados polo Pilar Europeo de Dereitos Sociais.
    • No contexto do Semestre Europeo e a Unión Económica e Monetaria.
    • Alcanzando resultados socioeconómicos en termos de: crecemento económico e competitividade; inclusión social e xustiza; creación de postos de traballo e calidade dos postos de traballo.
  • Funcionamento e efectos da coordinación da negociación colectiva en diferentes niveis e territorios. 

Eidos de actuación

A presente convocatoria subvenciona as seguintes categorías de accións:
  • Actividades para profundizar na análise dos temas e conclusións que foron examinados na serie da Comisión Europea sobre Relacións Laborais en Europa e/ou os capítulos sobre diálogo social no Informe sobre Emprego e Desenvolvementos Sociais en Europa (ESDE, polas súas siglas en inglés).
  • Actividades de investigación sobre relacións laborais e diálogo social, tales coma estudios, enquisas e outras formas de recollida de datos, exercicios de seguimento e investigación empírica.
  • Medidas para mellorar a recolleita e uso de información (comparada) sobre os sistemas de relacións industriais nos estados membros da UE e países candidatos e nos desenvolvementos a nivel europeo.
  • Iniciativas para fomentar a percepción da efectividade das prácticas no marco das relacións laborais, tanto a nivel nacional coma a nivel europeo, incluíndo a xuntanza de actores relevantes coma as universidades, os axentes sociais e os actores políticos.
  • Medidas para identificar e intercambiar información no eido das relacións laborais, incluíndo a través das actividades de redes entre axentes das relacións laborais e/ou expertos.Accións para diseminar tales conclusións en publicacións, mesas redondas, seminarios, conferencias, actividades de formación e ferramentas de formación. 

Destinatarios

Os solicitantes, líderes e co solicitantes deben estar incluídos nunha das seguintes categorías: organizacións sen ánimo de lucro tales coma as universidades e institutos de investigación, axentes sociais, administracións públicas, organizacións internacionais. Deben estar establecidas e rexistradas nun estado membro da Unión Europea. As persoas xurídicas establecidas e rexistradas en Albania, a Antiga República Iugoslava de Macedonia (FYROM), Montenegro, Serbia e Turquía poderán concorrer á convocatoria coma co solicitantes. 

Socios

Non se precisan socios transnacionais, pero a dimensión transnacional do proxecto é un dos principais criterios de avaliación. 

Financiamento

Segundo a convocatoria, a subvención por parte da UE non poderá exceder o 90% do total dos custos elixibles do proxecto. 

Orzamento total da convocatoria

O orzamento total reservado pola UE para co financiar proxectos baixo esta convocatoria estímase en 4.292.250 EUR. 
A subvención da UE solicitada debería estar de xeito indicativo entre os 150.000 e os 500.000 EUR.
A Comisión resérvase o dereito a non distribuír todos os fondos dispoñibles. 

Duración do proxecto

A duración indicativa do proxecto debería ser de 24 meses. 

Data de publicación

30/04/2018

Data límite de solicitude

15/06/2018

Documentación

Contacto

Todas as dúbidas deben dirixirse só por email a:



En relación cos problemas técnicos, por favor contacten con: empl-swim-support@ec.europa.eu

Sello AYS Innova entidad adaptada

© Fundación Galicia Europa

Inicio Contacto Mapa Web Política de privacidad Política de Cookies Perfil de contratante