Subscríbete!

Se queres recibir a actualidade da UE no teu correo: noticias, convocatorias, procura de socios...

Preme Aquí


Axenda FGE

Aluguer de sala

Traballo e prácticas na UE

Convocatorias UE



Síguenos en Twitter Síguenos en Facebook Síguenos en linkedin

Convocatoria

Implementación de redes de cidades URBACT III

Programa

URBACT III

Obxectivo xeral

Mellorar a capacidade das cidades para xestionar políticas urbanas sustentables e, máis concretamente, para mellorar a implementación de estratexias urbanas integradas sustentables e plans de acción en cidades europeas. A implementación de redes de cidades apoiará o proceso de intercambio e aprendizaxe entre iguais en Europa con vistas a mellorar as políticas locais a través dunha implementación concreta.

Obxectivo específico da convocatoria

- Mellorar a capacidade das cidades á hora de xestionar políticas urbanas sustentables e prácticas dunha forma integradora e participativa.
- Mellorar o deseño de estratexias urbanas sustentables e de plans de acción en cidades.
- Asegurar que os políticos e empregados das administracións a todos os niveis (UE, nacional, rexional e local) incrementan o acceso ao coñecemento temático URBACT e comparten o know-how sobre desenvolvemento urbano sustentable.

Eidos de actuación

- Fortalecer a investigación, o desenvolvemento tecnolóxico e a innovación.
- Promover o acceso, o uso e a calidade das TIC.
- Promover a competitividade das PEME.
- Apoiar a transición cara a unha economía de baixas emisións de carbono en todos os sectores.
- Promover a adaptación ao cambio climático, a prevención de riscos e a súa xestión.
- Protexer o medioambiente e promover a eficiencia de recursos.
- Promover o transporte sustentable e eliminar os embotellamentos nas redes de infraestruturas clave.
- Promover o emprego e apoiar a mobilidade laboral.
- Promover a inclusión social e combater a pobreza.
- Investir en educación, habilidades e a aprendizaxe permanente mediante o desenvolvemento da infraestrutura de educación e formación.

Destinatarios

Municipios dos 28 Estados membros, Noruega e Suíza que desenvolvesen unha estratexia urbana sustentable ou un plan de acción, que dispoñan de fondos e demostren que o seu municipio está preparado para comezar a fase de implementación.

Socios

Os consorcios estarán formado por un mínimo de 7 municipios e un máximo de 9.

Financiamento

Porcentaxes de cofinanciación:
- Socios de rexións máis desenvolvidas: ata un 70%
- Socios de rexións menos desenvolvidas e en transición: ata un 85%
- Socios de Noruega: ata un 50%
- Socios de Suíza: ata un 50%
O custo total elixible da implementación da rede deberá estar entre os 600.000€ e 750.000€.

Orzamento total da convocatoria

Non consta

Duración do proxecto

30 meses

Data de publicación

22/03/2016

Data límite de solicitude

22/06/2016

Documentación

Contacto

Kristijan Radojcic, Networking Officer
email: k.radojcic@urbact.eu

Comentarios

A data límite de presentación de propostas é o 22/06/2016 ás 15.00 horas.

© Fundación Galicia Europa

Inicio Contacto Mapa Web Aviso legalPerfil de contratante