Subscríbete!

Se queres recibir a actualidade da UE no teu correo: noticias, convocatorias, procura de socios...

Preme Aquí


Axenda FGE

Aluguer de sala

Traballo e prácticas na UE

Convocatorias UE



Síguenos en Twitter Síguenos en Facebook Síguenos en linkedin

Convocatoria

Participación na gobernanza para a seguridade alimentaria

Programa

INSTRUMENTO DE FINANCIAMENTO DA COOPERACIÓN AO DESENVOLVEMENTO (ICD)

Obxectivo xeral

O obxectivo global desta Convocatoria de Propostas é aumentar a participación dos interesados clave dos países en desenvolvemento nos procesos de toma de decisións sobre seguridade alimentaria e nutrición.

Obxectivo específico da convocatoria

O obxectivo específico desta Convocatoria de Propostas é reforzar as capacidades de grupos específicos (organizacións de agricultores, pastores, pescadores) para incrementar a súa participación na elaboración das políticas que afectan á seguridade alimentaria e a nutrición.

Eidos de actuación

Esta convocatoria divídese en dous lotes:

  • O Lote 1 oriéntase cara ao reforzo das capacidades das organizacións de agricultores, pastores,pescadores e acuicultores para que poidan establecer redes e participar nun auténtico diálogo coas administracións públicas e os socios do desenvolvemento.
    Baixo este Lote levaranse a cabo accións destinadas a obter ou gañar experiencia práctica, especialmente con proxectos concretos para organizacións de agricultores, pastores e pescadores, e prestación de servizos, a fin de reforzar a súa capacidade de establecer redes e participar nun auténtico diálogo coas autoridades públicas e os socios do desenvolvemento.

  • O Lote 2 persegue a creación ou reforzo de redes (ou plataformas) de organizacións de agricultores, pastores, pescadores e acuicultores a escala rexional, continental ou mundial con vistas á súa participación activa nos procesos de toma de decisións relativas á seguridade alimentaria e a nutrición.
    Ao amparo deste Lote desenvolveranse accións acciones destinadas a establecer ou reforzar redes (ou plataformas) de organizacións de agricultores, pastores e pescadores a escala multinacional, continental ou mundial, mellorando a súa xestión da información, a súa capacidade de pensamento estratéxico e a súa comunicación, así como a calidade dos servizos de apoio que
    facilitan aos seus membros.

Destinatarios

Persoas xurídicas sen ánimo de lucro que sexan actores non estatais, organismos públicos e semipúblicos ou organizacións intergubernamentais rexionais e internacionais. Ademais, deberán cumprir os requisitos de nacionalidade previstos na Guía do Solicitante.

Socios

Os solicitantes poderán actuar individualmente ou con organizacións asociadas.

Financiamento

Como norma xeral as subvencións estarán limitadas ao 80% dos custos elegibles da acción, tendo en conta que as mesmas oscilarán ademais entre as seguintes cantidades:

  • Para o Lote 1 as subvencións oscilarán entre os 300.000 e 1.500.000 euros.
  • No caso do Lote 2 as subvencións mínimas serán de 1 millón de euros e as máximas de 3 millóns de euros.

Orzamento total da convocatoria

O orzamento desta Convocatoria será de 20 millóns e repartirase de xeito que 8 millóns se destinen ao Lote 1 e 12 millóns ao Lote 2.

Duración do proxecto

A duración prevista dunha acción non pode ser inferior a 24 meses nin superior a 60 meses.

Data de publicación

15/11/2011

Data límite de solicitude

07/02/2012

Documentación

Contacto

Os solicitantes poderán enviar as súas preguntas relativas ao formulario completo de solicitude a EuropeAid-FoodSecurity-Applications@ec.europa.eu

Comentarios

Esta é unha convocatoria de propostas restrinxida. En primeira instancia, soamente deben presentarse os documentos de síntese para a súa avaliación. Posteriormente, aos solicitantes cuxos documentos de síntese sexan preseleccionados invitaráselles a presentar un formulario de solicitude completo.

Os documentos de síntese deben enviarse só por e-mail á seguinte dirección: EuropeAid-FoodSecurity-Applications@ec.europa.eu

© Fundación Galicia Europa

Inicio Contacto Mapa Web Aviso legal Protección datos Perfil de contratante