Register!
You can subscribe to our e-mail newsletter: EU news, call for proposals, partner search, agenda...
FGE Agenda
Conference hall to rent
Transparency
UE Calls
2019 foi un ano de
importantes cambios no ámbito comunitario. Non so pola renovación do Parlamento
Europeo tras as eleccións de maio e polo comezo dun novo mandato da Comisión
Europea en novembro, senón porque os líderes europeos acordaron unha nova axenda estratéxica que guía o traballo da
UE até 2024 para dar resposta a un mundo cada vez máis inestable e complexo,
como o demostra a actual pandemia.
A FGE organizou durante este ano 15 visitas
institucionais á capital comunitaria e facilitou a intervención de
representantes galegos en 10 foros de debate comunitario. Deste xeito, contribuímos ao debate europeo
explicando o noso labor en materia de cambio climático, dixitalización das
pemes ou defensa do sector pesqueiro.
Seguimos tamén de preto as difíciles
negociacións para a saída de Reino Unido da UE para sensibilizar sobre as
eventuais consecuencias para a cidadanía e a economía galegas. E preparamos o
terreo para a celebración do próximo ano xacobeo, reivindicando a importante
dimensión europea do Camiño de Santiago.
Para todo iso, a presenza en Bruxelas e o traballo en rede con outras
rexións europeas foi fundamental, así como a participación activa no Comité
Europeo das Rexións, que celebrou 25 anos de existencia.
En Galicia, a FGE continuou co seu
labor de sensibilización e formación en temas europeos, con dúas novas edicións
do programa de especialización en financiamento comunitario TecEuropa, o
lanzamento dunha plataforma virtual destinada
aos mozos #EUROXuventude e a organización dun concurso en redes para animar á
participación nas eleccións europeas.
En suma, 2019 foi un importante ano de
transición no ámbito europeo no que a Xunta contou coa experiencia e
coñecemento da FGE para seguir defendendo os intereses de Galicia neste
ambicioso proxecto que é a Unión Europea. Un proxecto que resulta hoxe aínda
máis importante e necesario para trazar o camiño de recuperación na crise sen
precedentes que estamos a vivir debido á pandemia.
